D Isebahn vo Colombo ar Küschte entlang richtig Süde - diä Strecki wo bim Tsunami so verheerend isch betroffe gsi - isch wieder in Betrieb. D Lüt bruchä aber z Bahngleis trotzdäm no sehr gärn zum Chleider z tröchne. Isch ja o sehr ä suberi Sach mit dere Zugluft.
We de dr Zug chunnt, de isch dä fasch immer sehr guet bsetzt. Bezüglech Sicherheit sisi nid ganz ä so chlinlech wi mir ir Schwiz.
U trotz dä stets hupende Züg isches wichtig, das jedä weiss, wime sech am Bahnübergang muess verhaute. Z Sri Lanka hei si übrigens itz sogar Barrierewärter agsteut. I gloubä da Bruef isch bi üs vor 50 Jahr usgstorbe.
Apropos bi üs: liebi Fründe vor Thunersee-Schifffahrt: fäut nöimä ä Rettigsring? Dä wär de in Hikkaduwa.
Ob äch Starbucks weiss, dass ihres Logo mitemne Löi druf no fasch besser usgseht?
Dä hani o härzig gfungä. Ä Sim-Charte wott ohni Handy grad chasch losä!?!?
Und zum Schluss no dä: Strasselampe mit Schauter. Sehr praktisch zum Strom spare. Dr letscht vom Quartier wo hei chunnt, hett eifach chli lenger, wüer au 50 Meter usem Tuk-Tuk muess usstige u z Liecht lösche.